दिक्शूल आ दिग्बल

[एहिसभ विषयकें आधुनिक लोक दकियानूसी बुझैत छथि। मुदा हमरालोकनिकें बुझबाक चाही जे हमर पूर्वज एकर निर्वाह कए गेल छथि। ई हमरासभक परम्परा थीक। परम्परा ध्वस्त होएत तँ अपन अस्तित्व समाप्त होएत, इतिहास समाप्त होएत। भारतीय आ मैथिल होएबाक जे गौरव अछि ओ समाप्त होएत। हमरालोकनिक कर्तव्य थीक जे अपन भारतीयताकें जोगा कए राखी। तें एहि सभ विषय पर क्रमशः प्रकाश देल जा रहल अछि।]

एकर विचार यात्रामे होइत अछि। दिक्शूलमे यात्राक निषेध अछि आ दिग्बल मे यात्रा नीक मानल जाइत अछि। कोन दिशामे कोन दिन गेलासँ दिक्शूल होएत आ कोन दिन दिग्बल होएत एकर विचार कएल गेल अछि।
ध्यान राखी जे प्रत्येक दिशाक अपन ग्रह होइत छथि। अमरकोषमे सेहो एकर उल्लेख भेल अछि-
रविः शुक्रो महीसूनुः स्वर्भानुर्भानुजो विधुः
बुधो बृहस्पतिश्चेति दिशां चैव तथा ग्रहाः।

आठो दिशा आ आठो ग्रहक नाम एहि प्रकारें अछि-

दिशा	पूर्व	अग्रिकोण	दक्षिण	नैर्ऋत्य	पश्चिम	वायव्य	उत्तर	ईशान
ग्रह	रवि	शुक्र	मंगल	राहु	शनि	चन्द्रमा	बुध	बृहस्पति

सामान्य परिभाषा अछि जे जाहि ग्रहक जे दिन थीक ओहि दिन ओहि ग्रहक दिशामे यात्रा केलासँ दिग्बल होइत अछि आ एकर विपरीत दिशामे यात्रा कें दिक्शूल कहल गेल अछि।

एहि प्रकारें रवि दिन पूर्व दिशामे दिग्बल होएत तँ पश्चिम दिशामे दिक्शूल होएत।
मंगल दिन दक्षिण दिशामे दिग्बल आ उत्तर दिशामे दिक्शूल।
शनि दिन पश्चिम दिग्बल आ पूर्वमे दिक्शूल।
बुधकें उत्तर दिशामे दिग्बल आ दक्षिण दिशामे दिक्शूल

मिथिलाक परम्पराकें सुरक्षित रखबाक लेल एतेक सामान्य ज्ञान रहबाक चाही।